إيه اللي هيحصل في سوق السيارات بعد قرار البنك المركزي المصري بخفض الفايدة وازاي القرار هيرد الروح في سوق السيارات الراكد.
يوم الخميس لجنة السياسة النقدية في البنك المركزي المصري قررت خفض سعر الفايدة بشكل كبير 2.25% مرة واحدة ودا كان ليه تأثير كبير ومباشر على الأسواق وخاصة سوق السيارات واللي اخيرا هيخرج من دوامة الركود وارتفاع الأسعار.. طيب ازاي دا هيحصل.
شوف حضرتك لما سعر الفائدة ينزل في البنوك بنسبة كبيرة زي ما حصل اخيرا يبقي الناس هترجع تاخد قروض من البنوك ومنها قروض تمويل شراء السيارة اللي بتوفرها البنوك واللي اتأثرت بسبب ارتفاع الفايدة من ناحية ومن الارتفاع الكبير في أسعار السيارات نفسه نتيجة الظروف الاقتصادية في العالم والمنطقة والدولار.
" title="مفاجأة في سوق السيارات بعد خفض الفايدة.. السوق رايح فين" frameborder="0">
خبراء السوق قالوا إن خفض الفايدة هو بداية عودة الروح لسوق السيارات بعد فترة ركود كبيرة بسبب ارتفاع الأسعار وارتفاع تكلفة الاقتراض وشايفين إن الإقبال على الشراء الفترة الجاية هيكون كبير مع عودة برامج التمويل البنكي لشراء السيارات بعد خفض الفائدة ودا هيعمل انفراجة كبيرة في البيع وفي نفس الوقت هتفتح المجال لخفض الأسعار في السيارات نتيجة المنافسة الجاية بين الموديلات والتوكيلات وتقديم عروض وتخفيضات عشان تلبي احتياجات المواطنين وخاصة إن فيه حالة طلب متراكم على السيارات من فترة كبيرة.
خبراء السوق كمان توقعوا انتعاشة كبيرة في معروض السيارات الفترة الجاية بالسوق وبالتالي خفض الأسعار اكتر من كده مع عودة حركة البيع والشراء ودا بالتزامن مع استقرار الدولار في السوق المصرفي واقتراب التصنيع المحلي للسيارات من اكتر من مصنع وخاصة النصر للسيارات والشركات العالمية اللي عملت مصانع في مصر ودا غير زيادة إنتاج السيارات من مصانع التجميع مع انتعاش حركة السوق وعشان كده التجار بينصحوا المواطنين أنهم يستنوا شوية قبل شراء سيارة لأن الاسعار هتنزل اكتر الفترة الجاية.
في نفس الوقت تجار السوق شايفين أن خفض الفايدة هينعش المبيعات بشكل كبير من ناحية تانية عن طريق عودة نظام البيع بالتقسيط والتخفيضات ودا اكتر نظام بيع كان شغال في مصر وكان بيريح العميل وفي نفس الوقت يضمن مكسب وانتعاش المبيعات للتاجر أو الوكيل وإن الفترة الجاية هتكون فيه تخفيضات كبيرة في الأسعار مع دوران عجلة البيع والشراء وفي نفس الوقت الأسعار هتنزل بشكل كبير في سوق المستعمل وكسر الزيرو مع انخفاضها في السيارات الجديدة وموديل السنة.. خبراء السوق كشفوا كمان إن فيه سبب تاني مهم وطويل الأجل هيساهم في خفض أسعار السيارات في الفترة الجاية وهي دخول مصر مجال تصنيع السيارات الكهربائية بقوة ومع سعرها التنافسي وقرب الإنتاج هتكون منافس شرس واقتصادي للسيارات العادية وبالتالي هتكون فيه عروض وتخفيضات كبيرة.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
