أكد الإعلامي عمرو أديب أن مخطط تهجير الفلسطينيين من قطاع غزة يحدث، مشيرا إلى أن رئيس الوزراء الإسرائيلي بنيامين نتنياهو يبحث عن دول تستقبل الفلسطينيين.
وقال أديب خلال برنامج "الحكاية" المذاع على قناة "إم بي سي مصر": "نتنياهو راح المجر عشان يتفق معاهم هياخدوا كام من عندنا، وعدد كبير من الدول الغلبانة عايزة المعونات كل ده في انتظار الفلسطيني يقول أنا عايز أمشي".
وأضاف: "افهموا الكلام اللي بقوله وافهموا اللي بيجرا هناك تجهير الآن هو جه لقى مصر ممنهاش فايدة هنا دماغنا مربعة تيجي يمين تيجي شمال رفح الجديدة رفح القديمة محدش هييجي هناك فهو بيودي فين؟ وبيودي أيضا في عدد من الدول اللي حوالينا".
وتابع: "واحنا هناك قاعدين شغالين حماس وفتح بيكلموا بعض بقالنا كام سنة كده؟ الغلبان اللي ضايع المواطن الفلسطيني بهدلة حاجة تعود بيك للقرون الوسطى بل القرون الوسطى كانت أفضل".
وأوضح: "ذنبهم في رقبتنا ليوم القيامة إذا مقدرناش نعملهم حلول ذنبهم في رقبتنا في العالم العربي، لازم نقدر نعملهم حاجة ولازم هما يساعدوا نفسهم، أول ما حصل بوادر الاتفاق هنا في مصر الصواريخ نزلت على إسرائيل وإسرائيل نزلت تضرب".
وأكمل: "بصراحة شيء مؤسف أن 2 أو 3 مليار مسلم مش عارفين يعملوا حاجة للفلسطينيين، الطلب بتاعنا وصل لايه؟ لا عايزين ولا دولة ولا سمعنا القدس الشرقية أنت سامع ايه؟ عايزين نأكلهم هو نزلك لمستوى الركب لو سمحت دخلهم أكل".
