صرح مصدر أمني بوزارة الداخلية، بأن الأجهزة الأمنية تفحص المنشور الخاص بفتاة وهي تتهم سائق اندريفر بمضايقتها والتحرش بها.
الداخلية تفحص واقعة تحرش سائق اندريفر بفتاة
وأضاف المصدر، في تصريح لموقع الحادثة، بأن رجال المباحث يقوموا بعمل التحريات اللازمة للوصول إلى السائق لكشف ملابسات الواقعة.
تداول نشطاء مواقع التواصل الاجتماعي فيس بوك منشور لفتاة كتبت "يا جماعة بلاش حد يركب اندرايفر أنا النهارده رايحة الجامعة زي الطبيعي، وطلبت اندرايفر ركبت معاه لاقيته بيقولي إنتي بتدخني قولتله لأ وسكت وبعدين في نص الطريق لاقيته بيلف وشه وبيديني علبة السجاير وبيلمس رجلي. اتخضيت طبعًا وقلتله أنا قلتلك مش بشرب ومش هدخن، فضل يتحايل عليا عشان آخد سيجارة منها، ويقولي شميها ريحتها نعناع، ومعاه كوباية.
"عمال يقولي اشربي شاي والله أعلم فيها إيه جيت أفتح الباب عشان أنط لاقيته قافل الباب عليا، نظراته كانت وحشة جدًا قعدت أتكلم معاه عشان أعرف أنزل".
"وقولتله ممكن لو فاضي ترجع تاخدني عشان أقدر أنزل وقعد يسألني إنتي عايشة لوحدك ولا معاكي حد قولتله هنزل أدي حد غلبان فلوس في الشارع، ماكنش راضي، وقالي هقف وهي تجيلك بس إنتي متنزليش قعدت أقوله لا، هي مش هتقدر تقوم، نزلني المهم، كان عنده إصرار إني أشم السجاير أو أشربها.
وتابعت الفتاة نزلت جريت على حد كان واقف، وهو جه اتخانق معاه وخلاه يمشي، والحمد لله ربنا ستر، قعد يرن عليا بعديها، والراجل اللي وقفته رد عليه، قاله: هنعملك محضر، وزعقله جامد، والحمد لله ربنا عداها على خير، ومش هتتكرر تاني إني أركب اندرايفر.
تابع أحدث الأخبار عبر
