عمرو سلامة: “مش بقبل حد باعت فيديو من تيك توك للاشتراك في برنامج كاستينج”
حل المخرج عمرو سلامة، ضيفًا على برنامج “الراديو بيضحك”، تقديم الإعلامية فاطمة مصطفى، من خلال إذاعة راديو 9090، اليوم الخميس، كاشفًا عن تفاصيل تجربته في برنامج “كاستينج”.
وتحدث سلامة، عن برنامج “كاستينج”، قائلًا: “مبسوط جدا بالتجربة اللي احنا بنعملها دي، وبحب دايما أفكر نفسي أنها تجربة، وكمان غريبة لأنها مش شبة البرامج العادية”.
وأضاف: “اللي قدموا حوالي 16 ألف شخص، وأول قاعدة قولتها مش هتفرج على حد باعت فيديو من على التيك توك، فكرة إنك تحرك بوقك على حاجة وكلام حد تاني ده مش تمثيل ومش هعرف أحس بيه ولا أقيسك بيه كممثل”.
وأكمل: “احنا طلبنا بشكل صريح مشهد تمثيلي والتيك توك مش بعتبره مشهد تمثيلي، تقريبا فلترنا نص الناس، العدد كان رهيب واحنا كنا خايفين نظلم أي حد، اعتقد بصينا على كل الناس وصفينا منهم، وعملنا تجربة أداء في يومين شوفنا أحسن 300، واختارنا منهم 55، وفضلنا نصفي لغاية ما وصلنا لعدد أقل”.
برنامج كاستينج، هو مشروع الشركة المتحدة، يعرض على شاشة دي ام سي، تحت إشراف المخرج عمرو سلامة، لاكتشاف المواهب المصرية وتطويرها وتدريبها واختيار أنسب المواهب لبطولة مسلسل يسرد قصصا حقيقية.
يذكر أن، المخرج عمرو سلامة كان قد أعلن مؤخرا عن مشاركة فيلمه السينمائي القصير”ستين جنيه” بمهرجان الفيلم العربي في تورنتو بكندا.
قصة فيلم٦٠ جنيه مستوحاة من أغنية لـ زياد ظاظا، وتتناول أحداثا بعضها حقيقي تناقش قضايا العنف الأسري وتحقيق الأحلام، وبطولة زياد ظاظا وطارق الدويري وحمزة دياب وروحية سالم، وتصوير أحمد طارق بيومي، ومن إخراج عمرو سلامة.
