إيه اللي بيحصل في جنوب البحر الاحمر دلوقتي... وايه التصريحات المفاجأة اللي أطلقها الرئيس الأمريكي ترامب.. وايه علاقة تصريحات ترامب بالدولة المصرية وايه حكاية ال7 مليار دولار اللى هيرحعوا لمصر لو صح كلامه.
بدون مقدمات الرئيس الامريكي ترامب طلع وقال تصريحات مهمة جدا وهي أنه حصل اتفاق امريكي حوثي على وقف استهداف السفن في البحر الاحمر مقابل وقف الهجمات الأمريكية على مواقع الحوثيين وبنيتهم التحتية وقال كمان إن أمريكا هتحترم تعهد الحوثيين لغاية ما يشوف مدى صدقهم. وقال كمان حاجة مهمة جدا وهي إن فيه مفاجأة هتحصل في المنطقة قبل سفره للمنطقة ودي غالبا هتكون اتفاق جديد في غزة حسب توقعات الخبراء.
كلام ترامب جاي قبل أيام قليلة من زيارته المرتقبة لدول خليجية والتصريحات السابقة بأنه بيسعى لإنهاء الصراع في المنطقة عشان يبقي أول مكسب خارجي ليه منذ تولي السلطة ويكون دليل على قوة إدارته ودا اللي ترامب بيصدره للعالم والرأي العام الأمريكي وكلنا عارفين سياسة ترامب اللي بتعتمد على الضغوط والصدمة والحلول الغير متوقعة.
لو صدقت تصريحات ترامب والتزم الحوثيين بتعهداتهم دا معناه أن الهدوء هيرجع للخطوط الملاحية في البحر الاحمر ورسالة واضحة لشركات الشحن البحري العالمية إن الخطوط الملاحية آمنة والمرة دي بضمان أمريكي وتحت القوة الأمريكية اللي أجبرت الحوثيين على الاستسلام والتوقف عن استهداف السفن المارة من مضيق باب المندب في طريقها للشمال عبر قناة السويس في طريقها لاوروبا وأمريكا.
المنطق بيقول إن ترامب مش هيقول الكلام ده غير لما يكون متأكد من تنفيذه لأسباب كتير جدا أولها إثبات قوة إدارته زي ما قلنا وتأتي هام ترسيخ نفوذ امريكا في المنطقة ودي رسالة خاصة للصين المنافس الأكبر لأمريكا دلوقتي في المنطقة.. تالت سبب وهو إن أمريكا من مصلحتها تأمين مرور السفن وخاصة ناقلات النفط العملاقة من الخليج لأسواق أوروبا وأمريكا وتصدير صورة أمريكا اللي أعادت الهدوء لخطوط الملاحة وأنها القوى العظمى الوحيدة اللي قادرة تعمل دا.
طيب تأثير تصريحات ترامب على مصر ؟
مفيش شك أن مصر اكتر دولة هتستفاد من عودة الهدوء للبحر الأحمر لأن السفن وشركات الشحن العالمية هترجع تاني تعدي من قناة السويس وبالتالي عودة الإيرادات القياسية لسابق عهدها... بالأرقام فتاة السويس حققت إيرادات تاريخية في العام المالي 2022-2032 بقيمة حوالي 10 مليار دولار.. وبعد الأزمة الحوثية واستهداف السفن في جنوب البحر الاحمر تراجعت في النصف الأول من العام الحالي إلى 1.8 مليار دولار يعني تراجعت في السنة الى3 مليار و600 مليون دولار يعني القناة فقدت حوالي 7 مليار دولار من ايراداتها وعودة الحركة الملاحية لطبيعتها معناه أن مصر هتستعيد المليارات الضائعة وهي مبلغ ضخم بيوازي تقريبا قيمة قرض صندوق النقد الدولي.
فيه نقطة تانية مهمة.. إنه في حالة عودة الملاحة لطبيعتها في قناة السويس هنشوف قفزة تاريخية جديدة في الإيرادات مش هتعدى الرقم القياسي اللي قلنا عليه قبل كده ودا لأن ساعتها هيحصل هجوم من شركات الشحن العالمية على المرور في قناة السويس لتعويض بطء حركة نقل البضائع بين الأسواق الدولية ودا بسبب مرورها من طريق رأس الرجاء الصالح وهتكون في حاجة لتعويض خسائرها الكبيرة مع تضاعف تكاليف النقل في الطرق البديلة لقناه السويس.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
){kind=link}