الغموض يحيط بمستقبل “زيزو”.. هل يبقى في الزمالك أم يرحل للأهلي؟

أثار أحمد سيد “زيزو” الغموض حول مستقبله وهل سيبقى داخل جدران نادي الزمالك أما سيرحل لغريمه التقليدي الأهلي.

وتتسارع الأحداث حول الجناح الأيمن لمنتخبنا الوطني ونجم القلعة البيضاء، ولكنها أيضًا متضاربة وغير دقيقة بالدرجة الكافية.

فكل طرف من كلا الطرفين يؤكد أنه أقرب للتوقيع مع اللاعب من الآخر، والجماهير في حالة تشتت، والغريب أن “زيزو” نفسه يثير الكثير من الغموض حول مستقبله ولم يعلن عن وجهته المستقبلية حتى هذه اللحظات.

وكتب “زيزو” منذ دقائق بيان عبر صفحته الرسمية على مواقع التواصل الإجتماعي “فيس بوك” أكد فيه أنه يحترم كل الناس وأنه يحاول أن يلتزم الصمت ولكن هذا الأمر يجعله عرضة للمعلومات المغلوطة.

وأضاف أنه متعجب من حالة الشد والجذب المتواجدة على السوشيال ميديا والتي وصلت إلى أن كل طرف من الأطراف يغازل الشريحة التي يخاطبها.

وأوضح إلى أنه لم يوقع لأي نادي سواء داخل أو خارج مصر وأن من يدعي أنه وقع لأحد فعليه أن يظهر هذا الأمر.

وأشار أنه يحترم الكيان الكبير الذي يلعب له -نادي الزمالك- ولا يستطيع نكران فضل النادي الأبيض عليه.

وجاء نص بيان “زيزو” عبر صفحته الرسمية على “فيس بوك” كالتالي:

الحمد لله. أنا راجل بحترم كل الناس..لكن للأسف عدم ردي علي المعلومات المغلوطة. والتزامي .. كل ساعة خبر عن توقيع أو تجديد عقد زيزو. وكل واحد بيغازل الشريحة اللي عايزها من الجمهور. بسبب خبر رايح وخبر جاي. بكل وضوح أنا لم أوقع لأي نادي سواء داخل أو خارج مصر. اللي حصل على توقيعي يتفضل يعلن..إذا كان كلامه صحيح؟ ..كمان اللي عنده دليل على توقيعي لأي نادي برضو يتفضل يطلعه على الملأ.. الناس لازم تعرف كويس. انا بقدر جدا الكيان الكبير اللي أنا بلعب فيه..ولا يمكن أنكر فضله عليا. لكن فيه حاجة أنا مكنتش حابب أتكلم فيها خالص.. لأنه للأسف الأمور في الإعلام كلها في إتجاه واحد.. ليه محدش اتكلم عن حقوقي المشروعة زي أي لاعب في الدنيا.. ليه محدش اتكلم إن الناس سابتني بقالها شهور طويلة ومش عايزين يجددوا عقدي. ليه محدش اتكلم عن المستحقات المتأخرة اللي ليا بقالها كتير. ومش لاقي حد يجاوبني. ليه محدش اتكلم انه التجديد المرة دي جاي في مرحلة متقدمة من عمري بالنسبة للعيبة الكورة.. ولعيب الكورة مهما طول. عمره قصير في الملعب.. وأكيد كل واحد فيكم عنده أسرة. وعليه التزامات كتير.. محدش كمان اتكلم إنه ربنا سبحانه وتعالى أنعم عليا بعروض مقابلها المالي 5 أضعاف العرض اللي موجود.. ورغم كل ده. قلت وهفضل أقول أنا منتظر كلمة النادي. وده لإعتبارات كتير. مش لتجميل الصورة. والجماهير لازم تكون عارفة الحقيقة.. زيزو مش بيزايد.. ولا بيتاجر..لكن لازم الطرف التاني يكون عايزني أكمل.. وتكون فيه استجابة لربع المعروض عليا على الأقل..لكن للأسف الكلام معايا حاجة..واللي بيتقال للإعلام حاجة تانية..أنا مينفعش اجرح في حد. ولا أتكلم في حق حد.. لأن اللي بيتقال في الجلسات عيب يتقال برة..على الأقل من ناحيتي..أنا مستني رد النادي لحد آخر يوم في الكونفدرالية..وأتمنى ربنا يكرمنا بيها أنا وزمايلي. وأي كلام هيتقال غير كدة في موضوع التجديد أو التوقيع قبل الموعد ده . هيكون كلام غير صحيح. ورسالتي الودية جدا للمسئولين في النادي اللي أنا بحترمهم جميعا..أتمنى الحوار في مسألة تجديد العقد يكون بيني وبينكم.. مش عن طريق الإعلام..وأنا كنت ولا زلت واضح معاكم في كل اللي اتكلمت فيه من أمور عادلة تساعدنا على اننا نكمل الطريق. شكرا على تفهمكم موقفي.

وتظل الأمور مفتوحة نحو أي سيناريو حتى الآن، فهل سيرحل “زيزو” عن صفوف القلعة البيضاء أم يجدد رفقة ناديه الذي صنع معه المجد والبطولات.