ياتري فيه اسباب تانية ورا انخفاض الدولار المستمر أمام الجنيه الفترة اللي فاتت وليه الدولار الأمريكي مستسلم بشكل عام وايه السر في الحكاية وهل لسه الدولار هينزل تاني ولا فيه مفاجآت في الطريق.
الدولار مستمر في رحلة الهبوط أمام الجنيه لليوم التالت من التداولات في الاسبوع الحالي .. ياتري ليه ؟
عشان نفهم اللي بيحصل في السوق لازم نبقي عارفين إن فيه اسباب طبيعية بتتحكم في سعر الصرف وفيه أسباب تانية من بين السطور بشكل عام.. أولا الأسباب الطبيعية اللي بتتحكم في سعر الدولار سواء نزولاً أو صعودا معروفة وهي العرض والطلب يعني نسبة الطلب على الدولار من المستوردين وأجهزة الدولة مقابل الموجود من الدولار بالفعل في البنوك والعلاقة بينهم معروفة لو الطلب كان أكبر من العرض هنا سعر الدولار هيرفع والعكس صحيح..
وفي نفس الوقت العرض والطلب بيتحكم فيه حجم النقد الأجنبي في خزينة المركزي والبنوك والدولة بمعني كل ماكان فيه تدفق مستمر وبارقام كبيرة للدولار كل ما المعروض منه هيزيد وبالتالي سعره هينزل ودا اللي بيحصل دلوقتي بالظبط وهو إن التدفقات الدولارية الكبيرة والمستمرة هي وراء تراجع الوحش الأمريكي الأخضر على مدار الأيام الجاية ولو فاكرين موجة الهبوط الحالية جت بعد الإعلان عن الصفقات الخليجية الأخيرة بمليارات الدولارات من قطر والكويت والسعودية والإعلان عن صفقات صينية ضخمة كمان في اقتصادية قناة السويس.
" title="أسباب وراء الستار لانخفاض أسعار الدولار الرسالة وصلت" frameborder="0">
من بين الأسباب اللي خلت الدولار يرجع هو التعهد الاوربي بدعم الاقتصاد المصري بمليارات اليوروهات ومص هتستلم 4 مليار يورو قريب وكمان تقارير الوكالات الدولية والمؤسسات المالية العالمية بشأن الاقتصاد المصري وتحسن كل المؤشرات خلق حالة ثقة كبيرة في السوق المصري داخل الأسواق العالمية ودا خلي فيه نمو كبير في القطاع الخاص المصري وتحقيق انطلاقة جديدة وعمل شراكات مع الشركات العربية والأجنبية.
طيب ايه الأسباب التانية اللي خلت الدولار يتراجع ؟
الأسباب اللي محدش خد باله منها وكانت ليها اثر كمان هي الانهيار الكبير لسعر الدولار قدام العملات الرئيسية التانية ودا بعد السياسة النقدية والتجارية التصادمية للرئيس ترامب مع كل دول العالم ودا دفع البنوك المركزية العالمية إلى تقليل الاعتماد على الدولار الأمريكي في التعاملات خوفا من اي عقوبات وفي نفس الوقت زيادة الاعتماد على الدهب وعلى العملات الوطنية ودا كسر هيبة الدولار الأمريكي بشكل كبير في الأسواق العالمية وخلي سعره ينزل في سوق العملات ..
تاني سبب مهم جدا وهو الاعلان الأخير عن ضبط قضايا غسل أموال ضخمة في مصر نتيجة تجارة العملة وضبط ملايين الدولارات.. طيب ايه علاقة القضية بسعر الدولار.. طبعا فيه علاقة مهمة جدا لانها مؤشر على يأس تجار العملة من عودة أزمات الدولار تاني والمضاربة وعجزهم عن تصريف مخزون الدولار اللي عندهم من حصيلة الاتجار وقت الأزمات وعشان كده حاولوا يخرجوا الفلوس دي باي شكل عشان يغسلوها ويدخلوها في أنشطة مشروعة لكن الجهات الرقابية كانت ليهم بالمرصاد وخبر زي دا كفيل يبعت رسالة نهائية لتجار الأزمات أن الدولار مستقر ومتوفر بشكل كبير وعمر الأزمات اللي حصلت ما هتتكرر تاني والايام الجاية هنشوف ونسمع أخبار حلوة في ملف الدولار المخزن من سنة2022 مع تجار العملة واللي مش عارفين يعملوا فيه إيه.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
