الذهب في الوقت الحالي تحول لأحد أهم الأوعية الادخارية، واللي عليها اقبال كبير جدا من المواطنين.. ياتري هل الوقت الحالي هو الوقت الأنسب للشراء.. واية هيا النصائح علشان الناس تضمن تحقيق أكبر مكسب من الاستثمار في المعدن الأصفر.
في الوقت الحالي العالم كله بيعاني من توترات اقتصادية شديدة، بسبب الرسوم الجمركية الأخيرة اللي اقرها الرئيس الأمريكي العائد للبيت الأبيض من جديد دونالد ترامب، واللي تراجع عنها لفترة مؤقتة هتوصل لـ90 يوم، وهيتم النظر فيها مستقبلا حول أمكانية تاجيل العمل بها لفترة جديدة، أو اقرارها والعمل بها رسميا، وده هيعمل اعباء اقتصادية جديدة علي اسعار السلع العالمية وهيؤدي لزيادة التضخم العالمي بشكل كبير.
التوترات اللي سببتها الرسوم الجمركية الأخيرة للبيت الأبيض علي البضائع والسلع العالمية، عملت ربمة جديدة للبورصة العالمية، واللي حاليا بتشهد ارتفاعات غير مسبوقة بسبب الأجراءات والقرارات الجمركية الاخيرة، والقرارات دي كان لها تاثير علي عدد كبير من المعاون أولهم الذهب واللي خلال الكام يوم اللي فاتوا وصل لأرقام قياسية وغير مسبوقة بوصول سعر الاونصة لـ3500 دولار لأول مرة في التاريخ، وده اللي خلي السعر المحلي عندها هنا في مصر يوصل لـ5000 جنية لجرام الذهب عيار 21 واللي هو معروف بانه الاكثر مبيعا وانتشار عندنا في مصر خصوصا في القري والمحافظات.
الارتفاع الأخير في اسعار الذهب تزامن مع قرارات البنك المركزي بتخفيض اسعار الفايدة بنسبة 225نقطة اساس، والانخفاض ده تبعه قرارات للبنوك بتخفيض سعر الفايدة علي عدد من الشهادات اللي بتصدر عنهم، وده خلي ناس كتير من عملاء البنوك والناس اللي عندها رغبة في الاستثمار بالشهادات للبحث عن أوعية ادخارية جديدة، وطبعا قدامهم طريقين ملهوش ثالث أولهم هو الاستثمار في العقارات وفي الوقت الحالي النوع ده صعب شوية بسبب الفقاعة العقارية الكبيرة اللي بيعاني منها السوق المصري، واللي بسببها العقارات المعروضة للبيع الارقام المطلوبة فيها بتوصل لأكثر من مرتين تلاثة سعرها الحقيقي وده عمل حالة من انواع الخمول والكساد في حركة البيع والشراء للعقارات في مصر، وحاليا سوق العقارات في مصر بيشهد زيادة كبيرة من المعروض العقاري وفي نفس الوقت في حالة تراجع شديدة للشراء بسبب ارتفاع الاسعار.
تاني طريق أو وعاء استثماري موجود وحاضر بقوه قدام المستثمرين هو الذهب واللي حاليا عليه اقبال كبير جدا من الناس لشرائه، والاقبال ده كان واحد من اهم اسباب ارتفاع اسعار المعدن الأصفر محليا، وفي توقعات أن الذهب لسه هيكمل رحلة الصعود تاني في الفترات اللي جاية خصوصا أن التوترات العالمية لسه ما زالت موجودة ومتوقع ترتفع حدتها في أي وقت ، وعلشان كده شعبة الذهب نصحت المواطنين اللي عندهم ذهب بالتاني في البيع لأن الاسعار لسه مرشحة للزيادة من جديد بسبب التوترات العالمية اللي بيعاني منها سوق الأقتصاد الدولي .
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
