إيه المشروع اللي مصر شغالة عليه دلوقتي في أعالي البحار وازاي هيجيب موارد ضخمة للدولة.. وليه مصر فكرت فيه من فترة وبتنفذه دلوقتي.. وياترى ازاي مصر هتخطف حصة من سوق حجمه 450 مليار دولار.
مصر قبل 10 سنين مكانش عندها طموح في صناعة الأسماك ولا صناعة اصلا تقول إن مصر اللي عندها حوالي 3 آلاف كيلو متر سواحل ممكن تستغل إمكانياتها زي اي دولة عندها بحار ويكون فيها صناعة قوية جدا تحقق منها اكتفاء ذاتي وفي نفس الوقت تصدر للخارج وتوفر عملة صعبة ..وفضل الحال على كده والحكومات اللي السابقة تجاهلت ملف صيد وصناعة الاسماك لسنين طويلة لغاية وصول الرئيس السيسي للحكم ومن هنا كان فيه تحول كبير جدا..
الرئيس السيسي بدأ سلسلة من المشروعات القومية اللي أسست بيها مصر لصناعه الأسماك وبتقول صناعة لانها فعلا صناعة عالمية بتقوم على منظومة كاملة بداية من الصيد ولغاية التصنيع والتعبئة والتصدير والبداية كانت بتطوير وتطهير بحيرات مصر من الإهمال والتلوث والتعدي اللي حصل عليهم على مدار سنين وشفنا بحيرات مصر كانت ايه وبقت ايه وبالتزامن مع المشروعات دي الدولة المصرية دخلت بكل تقلها في مشروعات استزراع الأسماك في مناطق كتير على مستوى الجمهورية.. زي مشروعات غليون والفيروز ومنطقة شرق قناة السويس وتطوير بحيرات المنزلة والبردويل والبرلس.
بعد مشروعات السيسي الاستزراع السمكي وصلت مصر للمرتبة العاشرة عالميا في إنتاج الأسماك سنة 2024 بإنتاج حجمه 2.7 مليون طن والأول عربيا وأفريقيا وتحقيق الاكتفاء الذاتي من الأسماك في سلعة غذائية مهمة جدا للمصريين ودا هدف اي صناعة في مصر إنها توفر السلعة للمصريين وفي نفس الوقت تصدر للخارج وعشان كده التفكير كان مختلف في عهد حكومات الرئيس السيسي لأن كان هدفها التصدير والتوسعة في الأسواق العالمية.
طيب ليه بنتكلم عن الأسماك والبحار النهاردة ؟
عشان ببساطة مصر دلوقتي شغالة على خطط طموحة لاقتحام أعالي البحار والتوسع الكبير في صيد الاسماك وبناء أسطول ضخم من سفن الصيد في أعالي البحار ودي مناطق دوليه مصرح فيها بالصيد وحسب بيانات مركز المعلومات ودعم اتخاذ القرار بمجلس الوزراء مصر دخلت عهد جديد في صناعة بناء السفن بكل أنواعها ودي سوق مهم جدا جدا في العالم وشفنا الولايات المتحدة بتحارب الصين اللي بتسيطر على مجال بناء السفن ودي سوق وصل حجمها في 2023 حوالي 159 مليار دولار ومن المتوقع أن يواصل السوق العالمي نموه ليصل إلى 2212 مليار دولار بحلول سنة 2032.
وحاليا وزارة النقل شغالة على خطة شاملة لتطوير قطاع النقل البحري واستعادة قوة الأسطول التجاري المصري للوصول إلى جعل مصر مركز عالمي للتجارة واللوجستيات والصيد كمان وفيه 12 سفينة صيد عملاقة بيتم تصنيعها في مصر حاليا عشان تركب أعالي البحار والسفن دي هتكون مزودة بتكنولوجيا متقدمة لتعمل كمنظومة متكاملة لصيد وإنتاج وتغليف الأسماك ضمن جهود تطوير وتحديث أسطول الصيد المصري من خلال طرازين مختلفين من تصميم شركات إسبانية متخصصة وبيوصل طول السفينة اكتر من 50 متر.. واسطول السفن الجديدة دا مجرد بداية لدخول مصر سوق صناعة الأسماك العالمي واللي بيقدر دلوقتي بحوالي 450 مليار دولار سنويا واللي بتسيطر عليه الصين في المرتبة الأولي ومصر تقدر بكل السواحل البحار والبحيرات والخلجان البحرية أنها بكون عندها صناعة اسماك توفر مليارات الدولارات سنويا.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
