استثمارات بالمليارات من الخليج العربي ومن الصين ودول تانية كتير في السوق المصري وكل يوم بنسمع رقم ضخم.. ايه فائدة الاستثمارات دي والمواطن هيستفاد منها ازاي وامتي وهل المستثمر هو اللي بيكسب ولا البلد.
مصر في الفترة الأخيرة اتحولت لصالة استقبال لمئات المستثمرين من الخليج العربي سواء من السعودية أو الكويت ومن قطر والامارات ودا غير الزيارات الرسمية رفيعة المستوى بين مصر والدول الخليجية وكان آخرها جولة الرئيس السيسي لدول الخليج ودعوته رجال إلاعمال للاستثمار في مصرف.. وفي الزيارات دي الحكومة أعلنت عن اتفاقيات بمليارات الدولارات ووصلت حسب الأرقام 29 مليار دولار تقريبا.. ودا غير صفقة رأس الحكمة الضخمة واللي كانت بداية السيل للاستثمارات الخليجية على مصر..واللي هتوصل اجمالي استثماراتها 150 مليار دولار. .. القصد مصر بقت قبلة للاستثمار الخارجي سواء عربي او أجنبي.. ودا شيء كويس جدا ومعناه أن مصر على الطريق الصحيح وأنها بتعمل اقتصاد حر قايم على توفير الفرص والمناخ لكل المستثمرين..
لكن هنا فيه سؤال .. رجل الشارع هيستفاد ايه من الأرقام الضخمة اللي بيتم الاعلان عنها كل يوم؟
طبعا دا سؤال مهم جدا لأن أي جهود أو تنمية اقتصادية بيكون هدفها المواطن المصري ورفع مستوى معيشته وتحسين دخله وإنه يطمن على مستقبل أولاده.. وعشان كل دا يتحقق يبقي لازم الدولة يكون فيها اقتصاد حقيقي زي كل دول العالم المتقدمة.. ودا مكانش هيحصل في مصر غير من غير ما تشتغل صح وبشكل علمي بعيد عن الفهلوة والتصريحات والمسكنات والوعود اللي كانت ببتبيع الوهم للناس زمان عشان الحكومات تبرر فشلها..
" title="بعد دعوة السيسي .. المصريين هيستفادو إيه من الاستثمار الخليجية" frameborder="0">
عشان نعمل اقتصاد صح وقوي الرئيس السيسي بدأ عهده ببناء شبكة بنبة أساسية قوية وحقيقية لاول مرة وكان لازم الدولة تضحي وتصرف مليارات الجنيهات على شراء محطات كهربا وعمل طرق وكباري ومحاور ومواني ولوجستيات وشبكات مياه وبنية اساسية رقمية وتشريعية.. بعدها بدأنا نبني اقتصاد بقي ونستقبل استثمارات عشان نعمل مشروعات والمشروعات دي هتشغل المصريين وهتجيب عملة صعبة للبلد واللي هي الدولار.
طيب ايه علاقة الدولار بمستوى معيشة المواطن؟.. باختصار كده الاقتصاد والاستثمار والدولار.. مرتبطين ببعض جدا وكله في النهاية بيكون ليه تأثير مباشر على الوضع المالي والاقتصادي للمواطنين لأن مفيش اقتصاد من غير استثمار وأغلب الاستثمارات العالميه بتكون بعملة الدولار .. ولما يكون فيه استثمارات ضخمة ومستدامة زي الاستثمارات الخليجية كده بتدخل في مشروعات كبيرة والمستثمر بيكسب ولازم يكسب وفي نفس الوقت البلد كلها بتستفاد من توفير فرص عمل ومن استقرار سوق الصرف وخاصة الدولار واستقرار سعر الدولار معناه استقرار اسعار كتير من السلع والخدمات خاصة المستوردة بداية من القمح لغاية المواد البترولية ودا بيكون ليه تاثير مباشر على المصريين.. وشفنا لما أسعار المواد البترولية زادت نتيجة ارتفاع الأسعار عالميا الدولة اضطرت ترفع أو تسرع وتيرة رفع سعر البنزين والسولار ودا انعكس بشكل مباشر على مستوى المعيشة وزاد من ضغوط الحياة وعشان كده الدولة أعلنت استثمارات جديدة وكبيرة في قطاع البترول والتنقيب لتقليل الاسعار محليا.... وهكذا لما يكون فيه استثمار بيكون فيه صناعة وزراعة وإنتاج وفرص عمل ومنتجات رخيصة خشب العرض والطلب ومفيش اختفاء لسلع وبالتالي سعرها يزيد.. باختصار الاستثمار الأجنبي هو استثمار لتحسين وضعك المالي والاقتصادي كمواطن.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
