تداول رواد مواقع التواصل الاجتماعي، قصة شاب استعرضها لتجربة مرضه نتيجة تناول الطعام خارج المنزل، وربطها الشاب بعد غلق محلات بلبن.
وقال الشاب مستعرضاً تجربته،" من أكلة واحدة… لحياة ضاعت سنين بوست مش استعراض… دا نداء حقيقي لأي حد فاكر إن الوجبة اللي بيطلبها من مطعم ممكن تكون حاجة بسيطة..في سنة 2017 كنت في أحسن حالاتي… جسمي رياضي، صحتي ممتازة، حياتي ماشية تمام..لحد ما جيت مصر سنة 2019… وأكلت من فنادق ومطاعم كبيرة ومعروفة في وسط البلد.
وتابع،" ومن ساعتها… بدأت رحلة ألم استمرت 4 سنين! فجأة…بقيت كل ما آكل، بطني تنتفخ بطريقة مش طبيعية.حتى الميّة كانت بتنفخني!جوع مستمر… وجع في الظهر… ميّه محبوسة في جسمي… رجل بتورم…نفَس مش طالع… قشرة رهيبة في شعري… وشي بيقشر سكر الدم مش ثابت… والتفكير بقى ضبابي.
واستطرد،" الطامة الكبرى؟ أي أكل باكله بينزل زي ما هو، كأني ما لمستهوش!من سنة 2019 لـ2022، وزني طار من 90 كيلو لـ183،صيام بالميّة لأيام… ولا جرام بينزل.الإنتفاخ كان مرعب لدرجة الجلد تحت صدري اتشقق،ألم فظيع في فم المعدة، مش قادر أمشي، مش قادر أعدّل نفسي،كنت ببكي في الحمام، ببكي من الألم، من القهر، من العجز..ألم مزمن، اكتئاب، يأس، وبقيت بفكر في الانتحار أكتر من 3 مرات".
وقال،"الدكاترة؟كلهم بيقولوا "لازم تخس"، وأنا بصرخ:عالجني الأول وهخس لوحدي!"محدش كان فاهم… كنت باكل خضار وسلطة، الانتفاخ يزيد…فقط البروتين والرز اللي كانوا بيعدّوا بالعافية.وفي وسط انهياري الجسدي… كانت أمي بتعاني، والناس كلها ضدي..وجع شديد جنب فتحة الشرج…ألم لا يوصف، وصحيت منه بتمنى الموت.
سافرت لبنان أدوّر على مهرب، والوجع كان بيقتلني".
وتابع،" قفت في الشارع بعيط معيطوش علي وفاة اعز حد عليا حقنه المسكن خلصت مفيش صيدلية فاتحة…بخبط دماغي في الحيط زي المجنون…ولما لقيت المسكن أخيرًا، الدكتور خاف مني من منظري!بعدها انفجر الناسور الشرجي …ريحة بشعة، ميّه نازلة بدون توقف، وأنا لوحدي في بلد غريبة معي غير صاحب جدع من Ahmed Zakaria كان بيجري بيا عشان يلحقني.حلولي كورنا طلعت ايجابي وصحبي ايجابي صحبي روح للفندق يعزل نفسه وبقيت لوحدي تمام".
وقال" لقيت نفسي قدّام المرض اللي دمرني: SIBO "فرط نمو البكتيريا في الأمعاء الدقيقة)ومعاها جرثومة معدة، وبكتيريا حولت حياتي لجحيم..بدأت علاج حقيقي لأول مرة…الأعراض بدأت تختفي، الوزن نزل، الوجع راح، التفكير رجع، النوم رجع، الأمل رجع.
وتابع،" مشيت 3 ساعات متواصل لأول مرة من سنين…ولما خلصت، فضلت أعيط من الفرحة.أنا رجعت للحياة بعد ما كنت بحتضر كل يوم..لكن في أواخر 2024… أكلت من مطعم من برّه، وبدأت الأعراض ترجع!لحقت نفسي بالمضاد الحيوي، ورجّعت التوازن في جهاز الهضمي بالمخللات والزبادي..واللي خلاني أكتب البوست دا…هو إن كل اللي حصلي، كل الألم والدمار دا…بدأ من أكل ملوث في مطعم معروف،وكان فيه بكتيريا مصدرها براز بشري!
وقال،" يعني مطعم زي "بلبن" أو غيره لما يتقفل بسبب "بكتيريا ممرضة"أنا مش بس مبسوط… أنا شايف إن دا أقل حاجة ممكن تحصل..اللي حصللي حصل لآلاف غيري اللي مات من الألم والأعراض واللي علاقاته او شغله ادمر اللي جسمه انتهي واللي واللي …وحقيقي، مطاعم زي دي لازم ما تفتحش تاني..لازم تتحاسب… لأن الصحة مش لعبة..فينحرق بلبن علي وهمي علي اي مطعم يتقفل حتي لو شغال فيه مليون انسان ".
إخلاء مسؤولية إن موقع عاجل نيوز يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
