في تقلبات شديدة جدا بتحصل في العالم كله بسبب القرارات الأخيرة للرئيس الامريكي دونالد ترامب بفرض رسوم جمركية جديدة علي الورادات.. ياتري هل القرارات دي هتاثر علي سعر صرف الدولار في مصر .. واية تاثيرها علي الاقتصاد المصري.
دونالد ترامب واللي معروف عنه أنه بياخذ اكبر القرارات اللي ممكن تحصل عليها جدل، ومن لحظة اعلان ترشحه للانتخابات الامريكية أعلن عنه في حال فوزه بالانتخابات الأمريكية فاول قرار هياخذه هو فرض رسوم جمركية كبيرة علي كل البضائع اللي بتدخل للسوق الامريكي، خصوصا أن السوق الامريكي سوق واعد جدا وبيسقبل نسبة كبيرة من البضائع من اغلب دول العالم، وفعلا ده اللي حصل وحكومة البيت الأبيض اعلنت عن نسب الرسوم الجمركية الجديدة علي البضائع اللي بتدخل سوقهم، وبدأ فعلا تطبقها.
الرسوم الجديدة للبيت الأبيض عملت تخبط عالمي في حركة التجارة العالمية وفي البورصة الدولية، خصوصا ان الرسوم دي هتكون سبب في زيادة اسعار عدد كبير من السلع، وكان لها تاثير سلبي كمان علي اسعار الطاقة والذهب في العالم كله، خصوصا أن الرسوم دي هتعمل توترات جيوسياسية جديدة بسبب ان اغلب دول العالم أكدت أنها مش هتقف تتفرج وهيكون لهم رد مناسب عليها، القرارات الامريكية والردود اللي خرجت عن اغلب حكومات الغرب، كان لها صدي وتاثير عالمي علي حركة التجارة الدولية.
" title="قطاع واحد بس.. شوف مصر هتتاثر ازاي بالرسوم الجمركية الجديدة" frameborder="0">
طيب هل القرارات الامريكية هيكون لها تاثير سلبي علي السوق المصري ؟.
أغلب خبراء الاقتصاد اجمعو أن القرارات الأمريكية هيكون لها تاثير بسيط جدا علي مصر خصوصا أن حجم التبادل التجاري المباشر بين مصر والولايات المتحدة الامريكية بيمثل نسبة صغيرة نسبيًا من إجمالي التجارة الخارجية لمصر، وبالتالي، فاي تعريفات جمركية مباشرة هتفرضها الولايات المتحدة على الواردات من مصر، أو العكس، هيكون تأثيرها المباشر محصور ومحدود.
خبراء الاقتصاد قالوا أن الرسوم اللي فرضها الرئيس الأمريكية دونالد ترامب واللي هتوصل قيمتها لـ10% على صادرات مصر إلى أمريكا هيكون له تأثير ضعيف خصوصا أن اغلب صادرات مصر للولايات المتحدة الأمريكية عبارة عن ملابس جاهزة ودي بتخضع لاتفاقية الكويز ومعفاة من اي رسوم.
إخلاء مسؤولية إن موقع عاجل الإخباري يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
