ركب الصاروخ.. مفاجأة جديدة عن الدهب في مصر الفترة الجاية

يا ترى إيه اللي بيحصل لأسعار الدهب، وليه حصل ارتفاع صاروخي في الساعات الأخيرة، وإيه اللي هيحصل المعدن الأصفر عالميا ومحليا الفترة الجاية، والأسعار في سوق الصاغة المصرية ماشية على إيه.

في الساعات الأخيرة، الدهب ركب الصاروخ، وارتفعت أسعار المعدن الأصفر عشات تسجل مستوى تاريخي جديد، خاصة مع تزايد الإقبال على المعدن النفيس كملاذ آمن في الأسواق العالمية بسبب تبعات الحرب التجارية اللي اتسببت بها قرارات الرئيس الأمريكي ترامب بخصوص الرسوم الجمركية.

ونقدر نقول، إن تفاقم الحرب التجارية بين أمريكا والصين، دفع الدهب لتسجيل أعلى مستوياته، يعني الارتفاع الكبير اللي حصل، كان وراه دعم رئيسي من ارتفاع سعر الأونصة عالميل وتسجيلها لمستويات تاريخي جديدة، وده ساهم في ارتفاع تسعير الدهب المحلي في مصر.

وكان البنك المركزي المصري، أعلن عن تباطئ معدل التضخم الأساسي في مصر خلال شهر مارس اللي فات، عشان يوصل ل 9.4% على المستوى السنوي بالمقارنة مع تسجيله 10% في شهر فبراير، وده معناه إن ده هو أقل مستوى للتضخم الأساسي اللي بيستثني عوامل التذبذب من فبراير من عام 2022.

وبالفعل، ارتفع معدل التضخم الرئيسي في مصر على المستوى السنوي خلال شهر مارس بنسبة 13.6%، بأعلى من قراءة شهر فبراير عند 12.8% وفقا لبيانات الجهاز المركزي للتعبئة العامة والإحصاء، وده اأول ارتفاع في التضخم في مصر منذ أكتوبر الماضي.

نيجي بقى لانعكاس الكلام ده على توقعات أسعار الدهب في مصر، فنقدر نقول إن سعر الدهب العالمي هيواصل في الارتفاع، عشان يسجل مستوى تاريخي جديد في ظل استمرار المخاوف العالمية من الحرب التجارية بين الولايات المتحدة والصين، واللي نتج عنها انخفاض كبير في مؤشرات الأسهم وتراجع حاد في مستويات الدولار، وده ساعد على تزايد الاقبال على المعدن الأصفر كملاذ آمن، وفق تحليل جولد بيليون.

ولأن سعر الدهب المحلي، شهد ارتفاع كبير بدعم من تسجيل الدهب العالمي لمستوى تاريخي جديد، فمتوقع إن الأسعار تستمر في موجة صعود حادة بسبب المخاوف مستقبل الاقتصاد العالمي، عشان يوصل سعر الأونصة عالميا ل  3200 دولار، ويوصل سعر جرام 21 في مصر ل 470٪ جنيه خلال الأيام الجاية أو الشهرين الجايين.

فلو معاك دهب ومقرر تبيع، فاستغل الفرصة عشان تحقق أكبر مكسب، ولو عايز تشتري فعندك برضو فرصة قوية لتحقيق مكاسب مستقبلية.