عمرو أديب: الزمالك كان بطئ بطء السلحفة في التجديد لزيزو

السبت، 12 أبريل 2025 08:47 ص 4/12/2025 8:47:37 AM

علق الإعلامي عمرو أديب، على إعلان نادي الزمالك نهاية علاقته مع اللاعب أحمد مصطفى زيزو، بعد تقارير عن توقيعه للغريم التقليدي للقلعة البيضاء النادي الأهلي.

وقال أديب خلال برنامجه «الحكاية» عبر قناة «mbc مصر»، مساء الجمعة: «زيزو راح النادي الأهلي خلاص ربنا معاه وربنا يسهل له، يلعب وياخد فلوس ويعمل تاريخ».

وتابع أجديب أن نادي الزمالك الزمالك كان بطئ بطء السلحفة في التجديد وعنده اطمئنان شديد إن ابن النادي مش هيسيب القلعة البيضاء.

وأضاف «أرجو من إدارة الزمالك... اقفلو ملف زيزو، الأهلي عمل الدوشة دي عشان ننسى إنه انسحب من الدوري والأهلي هيلعب بكره عادي جدا، ومحدش فاكر إن الأهلي قال مش هلعب عشان الحكام مش أجانب. بعد اللي الأهلي عمله مع زيزو محدش يقولي الأهلي نادي المبادئ».

وتابع: «زيزو طالع يقولنا اللي عنده ورقة انا موقعها يطلعها… نطلعها ازاي ده في بيت كابتن محمود الخطيب. نص فرقة الأهلي بقت من الزمالك… ايه الاستسهال ده؟ الزمالك مش مركز تفريخ لاعبي للأهلي».

وأكمل أديب: «خدوا الزمالك كله بحسين لبيب، مش دي القضية، لكن اللي مضايقنا من زيزو فكرة اللوع، والأهلي ضحك علينا».

أضاف أن زيزو ليس أول لاعب أو آخر لاعب يغادر الزمالك، متابعًا: «إحنا بنشجع بمزاج مش بنشجع بالرائجة لو بالرائجة هنشجع النادي اللي الدنيا كلها واقفة وراه».

واستكمل: «الزملكاوية زعلوا من الحركة.. حركة مش شريفة.. والغريب اللي كان ضالع فيها شخصية رياضية بتتكلم عن المبادئ».

وقال أديب متحدثًا عن زيزو: «اللي عمل الصدمة إنك لسه قاعد تدي مواعيد وإنت ماضي في بيت الخطيب وفق تقارير طاب إنت بتكملنا في إيه.. زيزو كام معانا وكنا بنخسر عادي وهو جاب كام دوري للزمالك».

وتابع: «القضية في الشغل اللي مكنش واضح ومباشر وفي الطرق الملتوية.. خدوا الزمالك كله.. خدوه بحسين لبيب.. مش دي القضية لكن اتعمل حاجة غير تقليدية».